******** صورة وقصيده ّّّّّّّّّّّّّّّّ***********

مرحبا

كيف الحال


عندي لكم موضوع حلو وفكره احلي


عجبتني جدا




اللي عنده ابيات شعر يجيب صورة مناسبه للابيات ويشارك معانا





وبنشوف ذوقكم شلون في تركيب الابيات مع الصوّر

بنشوف اللي عنده ذوق واللي ما عنده

ونقدر نجيب صورة مثلاً ونحطها

ونطلب ان اي عضو يعطينا ابيات تناسب


الصورة سواء ابيات مختاره او من نظم العضو نفسه


الموضوع مفتوح .. خذوا حريتكم


بس بشرط لازم تكون الصورة مع القصيده

موجودين ويفضل ان يكونون ابيات بسيطه تعبر عن الصورة


وبنشوف ابداعاتكم ‘‘‘



وياهلا فيكم

اسمحوا لى ابد

وحده شايفه نفسها ع موضوعها






أرفعي راسك دقيقه وافهميني
الطفوله كلها حب وصداقه
لا تغيب الشمس وانتي تكرهيني
الفراق المحتمل مر ٍ مذاقه
جبت لك ورده وذبلت في يميني
وكان ما تكفيك ( ورده )

احم احم

اول شي موضوع رائع

انا ثاني وحدهــ انشالله يعجبكم

لي باكــ مع الصورهـ والشعر

بـــــــاكــ

احم احم





على ذاك الطريق اللي يسمونه غـرام أحبـاب
وطت رجلي على دربه ولاأدري وش نوى فيني



تبعته لآخر دروبه .. ألين أن القمر قـد غـاب
تعـب قلبـي ، ولا تعبـت مسافـاتٍ تودينـي



لقيت الليلة الجردا : هدب ظل وسما واعشـاب
بعـد ذاك الظـلام اللـي يتوهنـي عناويـنـي



صدفتك معجبه فيني وياليت..الغـرام : اعجـاب
وتراك انتي الهنوف اللـي هقيتـك تستحقينـي



عطيتك عشق من قلبي..وسلمت لغـلاك رقـاب
وغيـرك يحتـرق قلبـه ولا يقـدر يحاكينـي



أنا قبلك صدفت عيون لكن ويش جاب لجـاب؟
ترى كـل العيـون اللـي لقتنـي مـا تكفينـي



رماني حظي العاثر عليك وجيـت لـك طـلاب
ولا أنتي اللي عشقتيني ولا انتي اللي عتقتينـي



تعالي واعتقي ذاك الخفـوق المولـع المرتـاب
مهب لاجلي ، عشان الله يجازيـك ويجازينـي



تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونينـي



وشيليني على متنك : خفوقٍ بـاريٍ منصـاب
ومن فوق الغرام العذب .. شيلينـي وحطينـي



ولا منك هقيتيني شجـاع ومـا يطيـق يهـاب
أنا لك بالهوى والله مثـل مـا انتـي هقيتينـي



أنا ما أمشي ورا غيرك ولو أنه يطـق البـاب
وترى عيبٍ عليّ أطعن..ولو كثـرت سكاكينـي



زهودٍ مـا يطيـق الـدم لا دايـن ولا طـلاب
شجاع وعارفٍ نفسـي وأظـن أنـك تعرفينـي



غيورٍ ماعرفت أضحك مع الغدر ببّرود أعصاب
أبيـع عيونـي الثنتيـن قبـل أنـك تخونينـي



إذا شد الغرام .. اترك خفوقي : بين ناب وناب
لفرقى ت**ر ضلوعي .. ولا عشـقٍ يوطّينـي



أنا رجلٍ ولي غيره .. وإذا شفت الهوى كـذاب
تثـور بقلبـي الفزعـه ولا تهـدى شياطينـي



سؤالك لو يزعزع بي كياني مـا قبلـت عتـاب
اجي لك وأسالك نفس السؤال اللـي سألتينـي



عن العشق القديم أبواب .. تقفيها كثير أبـواب
بعد ذاك الحبيب اللي خدعنـي وانخـدع فينـي



أبي عشق تحسب له كل نظرات العيون حسـاب
وابي قلبٍ علي قلبي ، وابى دينٍ علـى دينـي



وابي نظرة عطا توفي ولا تخلف بدون أسبـاب
وابي منك قبـل لا نتـي تصدينـي .. تودينـي



وابي دربٍ على العذال صعبٍ ومتعـبٍ وغـلاب
وابي نفس الطريق الصعـب يبعدهـم ويدنينـي



ترى لو للقلوب عيون ولدموع العيون أهـداب
حشى ما تنزل الدمعـه لغيـرك لـو تركتينـي



أنا أول من عرف قدرك وأنا توي صغير وشاب
وابي منـك مـا دام أنـك عرفتينـي تحبينـي



ما دام أني لقيتك في طريق أسمه غرام أحبـاب
دخيـل الله ، وبعـد الله دخيلـك .. لا تخلينـي



ما دام أن كل من يحيا على وجه التراب تـراب
عسى تنساني الدنيـا مـادام أنتـي ذكرتينـي




وبس انشالله اعجبكم ذوقي في تركيب الصور

هههههههههههههههههه

يسلموووو مغروووووره علي مروووورك
حياتي كلك ذوووووق

ذووووووووووووق